மகளிர் தினக்கொண்டாட்டம்

மகளிர் தினக்கொண்டாட்டம்
அலுவலக
மொட்டை மாடியில்

பெண்கள் சிலரும்
ஆண்கள் பலருமாய்
கோலாகலமாய் தொடங்கியது
விழா

அருகே சில
அங்கிள்கள் அமர்ந்திருக்க - அது
ஜங்கிளை நினைவுபடுத்தியது

ஆண் சிங்கங்களின் பாதுகாப்பில்
பெண் சிங்கங்களா !

சிங்கிளாக இருப்பதில்
சிறப்பென்ன இருக்கு - பிறருடன்
மிங்கிள் ஆவதே பெண்மையின்
சிறப்பென்பதை உணர்த்தியது அது

விண்வெளிக்கு சென்று வந்துவிட்ட பிறகும் - எவனாலும்
பெண்களின் கண்வெளியை நேருக்கு நேர்
சந்திக்க முடிவதில்லையே - ஏனோ

இந்த
பூமியும்
பெண்களும் எப்போதும்
புதிதாய் தோன்றக்
காரணம் இந்த
ஈர்புத்தானோ !

இன்று பெண்கள் தினம்
என்று (எப்பொழுது) ஆண்கள் தினம்
எதிர் வினா எழுப்பினேன்
ஏதிரிளிருந்த நண்பரிடம்
இயல்பாய் சொன்னார்
இன்று ஒரு நாள்
பெண்கள் தினம் - மீதி அனைத்தும்
ஆண்கள் தினம் என்று

கேள்வி பதில் நடத்தி
தங்கத்தை பரிசளிக்கலாம்
என்று சிலர்
கிராஸ் பேனாவினால் எழுதினர் பதிலை - நாங்கள் அந்த இடத்தை
கிராஸ் செய்யும் வரை நடத்தவே இல்லை
தங்கமில்லையா - அல்லது கேள்வியை
தாங்க ஆளில்லையா

விழா நடந்தது - என்ன
நடந்ததென்பது
அவர்களுக்கும் தெரியவில்லை
எங்களுக்கும் தெரியவில்லை - வந்தார்கள்
அனைவரும் பரிசுத் தட்டோடு

இது தான்
மகளிர் தினக் கொண்டாட்டமா
இப்படி செய்தால்
மகளிக்கு உயர்வு வந்துவிடுமா ?

கேள்விகள் துரத்தின
பதிலை தேடி

எதுவுமே புரியவில்லை

வீட்டிற்க்கு சென்று
அம்மாவிடம்
அலைபேசியில் பத்து நிமிடம்
பேசி விட்டு படுத்தேன்

பதில் பாதி புரிந்தது

- ஸ்ரீதர்